Greiðslumat á nokkrum mínútum

Mundu að fyrsta skrefið er alltaf að sækja um lán hjá bílasala eða söluaðila.

Í öllum tilfellum er gert lánshæfismat þegar sótt er um lán.

Við þurfum svo samkvæmt lögum um neytendalán einnig að gera greiðslumat fyrir einstaklinga þegar sótt er um lán sem er hærra en 3.170.520 kr., með öllum kostnaði, eða ef hjón/sambúðarfólk sækir um lán sem er 6.341.040 kr., með öllum kostnaði, eða hærra.

Til að fara í greiðslumat þarftu að hafa rafræn skilríki en ef þú ert ekki með þau getur þú sótt um í næsta Íslandsbankaútibúi. Þegar það er klárt, getur þú sótt um greiðslumat en það er bæði fljótlegt og einfalt og ferlið er rafrænt frá upphafi til enda.

Greiðslumat gildir í 6 mánuði frá því að niðurstaða liggur fyrir. Ef þú hefur þegar sótt um greiðslumat og fengið niðurstöðu þarftu ekki að senda inn nýtt greiðslumat á gildistímanum. Þegar sótt er um bílalán innan þess tíma nægir að upplýsa bílasalann eða söluaðilann um að gilt greiðslumat sé þegar til staðar. Bílasalinn getur þá skráð þær upplýsingar þegar lánsumsókn er send til Ergo.

Greiða þarf fyrir hvert greiðslumat sem sent er inn, óháð niðurstöðu þess og hvort sem af lántöku verður eða ekki.

Niðurstöður greiðslumats eru sendar í netbanka Íslandsbanka þegar greiðslumat hefur verið unnið og þú finnur þær í rafrænum skjölum. Við sendum þér líka tölvupóst þegar greiðslumatið er tilbúið.

Ef þú ert ekki með netbanka hjá Íslandsbanka getur þú sótt um aðgang hér eða með því að sækja Íslandsbankaappið.