Greiðslumat á nokkrum mínútum

Mundu að fyrsta skrefið er alltaf að sækja um lán hjá bílasala eða söluaðila.

Í öllum tilfellum er gert lánshæfismat þegar sótt er um lán.

Við þurfum svo samkvæmt lögum um neytendalán einnig að gera greiðslumat fyrir einstaklinga þegar sótt er um lán sem er hærra en 3.170.520 kr., með öllum kostnaði, eða ef hjón/sambúðarfólk sækir um lán sem er 6.341.040 kr., með öllum kostnaði, eða hærra.

Til að fara í greiðslumat þarftu að hafa rafræn skilríki en ef þú ert ekki með þau getur þú sótt um í næsta Íslandsbankaútibúi. Þegar það er klárt, getur þú sótt um greiðslumat en það er bæði fljótlegt og einfalt og ferlið er rafrænt frá upphafi til enda.

Niðurstöður greiðslumats eru sendar í netbanka Íslandsbanka þegar um samþykkt lán er að ræða og er að finna í rafrænum skjölum. Sértu ekki með netbanka hjá Íslandsbanka er hægt að sækja um aðgang hér eða með því að ná í Íslandsbankaappið.